香港新浪網 MySinaBlog
« 上一篇 | 下一篇 »
Po Po | 3rd Jul 2012 | (03) 中國湖光山色遊, (01) 各地單車遊 | (329 Reads)
2012年7月1日至7月2日

因天氣延期一天. 但就碰正人潮, 比原定多了好多人過關.

最終5人出發, 相約0745太子開往碧桂園的車, 但無飛賣.  改賣0830加班車最後5張票.  等待期間食早餐, 食完後上車, 點知佢地話唔比單車上.  爭論一番後退錢離去, 打算改坐火車到深圳僑社轉車.  突然醒起附近還有車往大良鎮, 於是趕往旺角, 最後上了0845中信的大巴車, 到達時約1230.  車票港幣90元.

到埗後立即買回程票, 但亦無飛.  因為順路, 改往鑒海路君箂酒店買環島的車飛, 但食飯時間休息, 那我地亦先抄底電話後去午飯.

Picture

打電話比早一日到的朋友, 佢地改咗去新桂路的聚福山莊午飯, 我地便前往找他.  一到埗就見到他們的車.

Picture

這間食館又貴又唔好食, 朋友都話收到錯誤訊息被騙過來.  後方為無味的花生青瓜, 前左為杰達達的豆角, 還好有右方勉強可食的鹽水雞.

Picture

呢個生煎飽就唔錯.  啤酒要22蚊罐, 紙巾3蚊包, 5個人食唔飽, 埋單都要成二百蚊人仔.

Picture

d 錢應該係食裝修.

Picture

環境都唔錯, 仲有保安睇單車.

Picture

食完回程買飛, 因為查到好幾班都仲有飛.  先走過華蓋路步行街, 但太飽無食雙皮奶.  經過城市客棧等地方後再回鑒海路君箂酒店買票.  回程票1830開, 我地打算改去頭站容桂太子酒店上, 方便上單車.  票價人仔100.

Picture

再回南國路往順峰山公園.

青雲塔

Picture

大家較有興趣影相, 但我選擇環湖, 約好集合時間後各做各的.

環湖慢踩一圈約30-45分鐘. 當中包含一段廣東綠道,  途中有個好靚荷花池.

Picture

伏波橋

Picture 

我們在青雲公園相遇.

PicturePicture

地標之一 : 順峰山牌坊.

PicturePicture

離開公園經金沙大道南下.

Picture

過容奇大橋到容桂鎮, 路經橋底己有隊友要補給食物.

Picture

經容里到樹生橋公園, 村民都熱心指路.

Picture

樹與橋生在一起, 幾特別.

Picture

因為已開始天黑, 需趕路回程.  於是再經容奇大橋過容桂水道, 穿過德勝中路後入碧桂大道.

通往廣州南站交义位前方的橋上, 已開始日落.

Picture

順德高鐵站.

Picture

由於碧桂園太大, 有隊友因下午食唔飽與押尾的齊齊墜後, 在碧江大橋分义口走失了.  電話聯絡後, 走遍西苑及正苑都找不到, 最後相約在度假村西門的豪苑酒家集合兼晚飯. (地址:北滘鎮碧江大橋側的碧桂園渡假村豪苑 26332228)

排骨陳村粉(33), 豬橫脷老火湯(38, 超好飲), 燕麥飽(15), 菜遠鯪魚球(38), 蜜桃咕嚕肉(38), 食到打包, 埋單二百幾.  另超市補給食物水等用了50元.

Picture

再踩回住宿點已到了晚上10時半.  打點一下後於十二時睡覺.

0730 陸續起床.

Fiona 給我們的五星級家居.

PicturePicture 

0830 準時起步

Picture

再經碧桂園正園西門過碧江大橋

Picture

於昨天失散的分义路入碧江金樓的食街

Picture

吃好味早點.  雖然無得坐, 但企係度食完仲要打包上路, 因為好好味.  (同台灣東河飽子有得揮)

Picture

起步上廣珠公路G105國道向西出發.

Picture

經過地盤側的輔道後, 我的前呔爆了.  於是Walkfast在通往陳村的大橋旁幫我換呔, 順便講解一番.  因為天上有幾舊大黑雲, 有路過車輛提醒我們避雨, 真好!

我的公路車是借來的, 爆呔令我進一步了解山地車與公路車在不同情況下的表現, 不過就令我的買車決定帶來新關卡.

Picture

最後都無落大雨, 換好呔後再起行.  轉南方過北滘鎮, 倫教鎮重回大良.  再穿過青暉園, 經南國西路過杏壇.

Picture

過南國西路後直往新涌大橋, 一過就快到逢簡水鄉範圍.  但只有行在最前的 Fiona和我趕得切到達巴士站避過這場大雨, 其餘3人都變成落湯雞.

Picture

攪咗一輪都找不到黃媽媽, 地圖上標不到的地址都係"擇洗".  因為問過多個村民都得到唔同答案, 所以只好放棄, 睇嚟係一間做遊客的飯店.

最後隨便找到這超水準食店, 好食都碟雞要encore, 其實全部都可以encore, 不過5個人食唔哂.

鹽水雞, 燒鴨, 涼瓜牛肉, 通菜.  埋單二百有找.

PicturePicture

下次要再嚟, 仲要訂菜, 我要牛奶浸乳鴿, 啤酒炆扇雞...要食番今次個勁正鹽水雞, 燒鴨同涼瓜牛肉.

Picture

就是這間牌坊飯店.  老闆說下次我再來會幫我畫一張當地水鄉地圖, 方便我再搵黃媽媽, 水鄉綠道等.  食物好, 人又好, 這間食店絶對值得推介. 他還幫我找到條更順的路入容奇.

地址: 杏壇桑麻牌坊前50米 27777623 / 18924553113

Picture

其實逢簡水鄉係幾靚, 下次可以再來.

Picture

向高贊方向出發

Picture

過高贊大橋就到容桂鎮

Picture

找咗一輪, 於1700到了文海中路太子酒店.  食埋麥當勞下午茶(50元), 上車.

PicturePicture

於深圳灣換另一部車返港, 約10時到達家門.

兩日消費連來回香港車票約450港幣.  值得再去.

原定行程加搵路, 搵人, 撲飛, 行錯路等, 兩日全程145公里. 走過多條大橋, 國道, 縣道, 鄉道, 路況多樣化, 與貨櫃車共行一線到連過五線轉灣都有, 感覺滿足.

最終行程:
1/7:褔盈酒店落車起步>>君箂酒店查詢車票>>聚龍山莊午飯>>華蓋路步行街>>君箂酒店買票>>寶林寺>>順峰山環湖>>容桂大橋>>樹生橋公園>>容桂大橋>>德勝中路>>碧桂大道>>廣州南站>>順德站>>碧江金樓>>碧桂園西苑>>碧桂站>>碧桂園正園>>碧桂園渡假村晚飯>>碧桂園正園.
2/7: 碧桂園正園>>廣珠公路>>倫教>>大良>>清暉園>>新涌大橋>>逢簡>>高贊大橋>>容桂大道>>文海中路>>太子酒店上車.